特別多謝合作了幾年的編輯Anthony。
//內地都要FC？
與香港的聯賽頗有淵源的廣州富力，因應內地賽會「去商業化」的要求，大有可能易名。眾所週知廣州除了富力還有恆大，正確一點應該是「廣州恆大淘寶」，當然也必須配合旋律改名，並決定了以「廣州隊」名義比賽，記得不要混淆，不是省港盃的廣州隊...這支是球會。一個海港只有一個海港城，一個廣州豈能有兩支廣州隊？富力做唔到「廣州隊」，想改名叫「藍獅」，但係又因為「諧音」和「貶義」原因被駁回，哈。
內地聯賽球隊名稱普遍有企業元素，江蘇蘇寧、上海申花、北京國安等等都是例子，據說球隊們都為改名一事而煩惱，最後可能乾脆全部叫「足球俱樂部」，統統加「FC」算數，好嘢！他日有中超球會再贏亞冠盃，球迷就可以同日本人講返句「你唔會夠我嘅FC鬥」。
其實日韓兩地的足球隊很多都是由企業球會起步，浦和紅鑽最初就是由三菱成立的。當然球會名稱不是叫浦和三菱，今日我們熟悉的 Urawa Reds，是將三菱的其中一個菱形加入隊徽，球隊取名red diamonds，也就是浦和紅鑽，既兼顧到歷史淵源，也不會牴觸規例，其實稍加心思，就唔會咁多FC啦。
//
https://www.am730.com.hk/column/share/247199
Search